終於都係捱壞咗個身體😷。。。
記得由幾年前開始已經一路通宵趕片，出完一集又一集，一停手就冇片出，所以一路捱咗幾年無真正抖過嘅日子。
見到最後成績唔錯，總算冇白費心機～
直至最近，發現身體會出現手震，手心會自己出冷汗，再加胸口keep住痛。。。
真係忍唔住去睇咗醫生，醫生話我個心臟好弱好弱，所以出現咗心悸嘅情況，話我咁後生唔應該會咁🥲
其實一路以嚟出現過好多人去幫我手，有我嘅經理人有幾個剪接師，但我就係會插手去令件事同我腦海中一模一樣先肯放手。
記得有一晚嘉琪坐喺我後面望我剪片，嗰時已經三十幾個鐘冇瞓過，佢喺後面望望下喊咗出嚟，問我有冇必要搞到自己咁辛苦。。。
但對我嚟講，如果一個作品出街嘅時候，連自己都未過到就出街，嗰種痛苦應該會令我更加難受～
最後想同未來嘅自己講，如果有一日你瞓低咗，至少你嘅作品有人認同過
Search